SBI Clerk Syllabus 2026 samajhna un candidates ke liye zaroori hai jo State Bank of India mein Junior Associate banna chahte hain. Ye post jo aam bolchaal mein SBI Clerk exam ke naam se jaana jaata hai, iske selection process mein Prelims, Mains aur Local Language Test, teen stages hoti hain.
Chaliye poora syllabus aur exam pattern step by step samajhte hain.
SBI Clerk Syllabus 2026 Ki Puri Jankari Ek Table Mein
| Point | Details |
|---|---|
| Recruitment Karne Wali Body | State Bank of India |
| Post Name | Junior Associate (Customer Support and Sales) |
| Popular Naam | SBI Clerk |
| Advertisement Number | CRPD/CR/2026-27/17 |
| Exam Mode | Online |
| Selection Process | Prelims, Mains, Local Language Test |
| Prelims Exam | September 2026 |
| Mains Exam | November 2026 |
| Prelims Marks | 100 marks |
| Mains Marks | 200 marks |
| Negative Marking | Har galat answer par 0.25 marks katega |
| Final Merit | Sirf Mains ke marks par based |
Ek Zaroori Baat Syllabus Ke Bare Mein
SBI ne is baar detailed chapter-wise syllabus notification mein release nahi kiya hai. Notification mein sirf subjects, questions ki sankhya, marks, time aur selection process bataya gaya hai. Baaki detailed information admit card ke saath aane wali ‘Acquaint Yourself Booklet’ mein di jaayegi.
Is post mein jo exam pattern diya gaya hai, wo current notification ke hisaab se hai. Question types SBI ki purani official prelims aur mains booklets ke examples par based hain.
Selection Kaise Hoga: 3 Stages Samjhein
- Preliminary Examination
- Main Examination
- Local Language Proficiency Test
Yahan ek important baat samajhna zaroori hai, Prelims ke marks final merit list mein count nahi hote. Final merit sirf Mains ke total marks se, state-wise aur category-wise banti hai. Usske baad zaroorat pade to Local Language Test bhi pass karna hota hai.
Prelims Exam Pattern: Kaunsa Subject Kitna Weightage Rakhta Hai
Prelims online aur objective type hota hai. Total 100 questions puchhe jaate hain, jinke liye 100 marks hain, aur poora exam 1 ghante ka hota hai.
| Subject | Questions | Max Marks | Time |
|---|---|---|---|
| English Language | 30 | 30 | 20 minute |
| Numerical Ability | 35 | 35 | 20 minute |
| Reasoning Ability | 35 | 35 | 20 minute |
| Total | 100 | 100 | 1 ghanta |
Prelims Ke Ye Important Rules Zaroor Jaan Lein
- Har subject ke liye alag se 20 minute ka time fix hai
- Ek subject ka bacha hua time doosre subject mein use nahi kar sakte
- Galat answer par us question ke marks ka ek-chauthai (quarter) katega
- Prelims mein koi fixed minimum passing marks nahi hain, na subject-wise na total
- Section-wise marks alag se record nahi kiye jaate
- Vacancies ke hisaab se, roughly 10 guna candidates ko Mains ke liye shortlist kiya jaata hai, Prelims ke total marks ke descending order mein
Yaad rakhein, minimum passing marks na hone ka matlab ye nahi ki sabhi Prelims dene wale Mains tak pahunchenge. Shortlisting overall performance aur available vacancies par depend karti hai.
Prelims Syllabus: English Language Mein Kya Aata Hai
Is section mein aapki English understanding, grammar aur vocabulary test hoti hai. Question types kuch aise ho sakte hain:
- Grammar
- Vocabulary
- Sentence completion
- Fill in the blanks
- Synonyms
- Antonyms
- Grammatical error spotting
- Correct word usage
- Passage based questions
- Reading comprehension
English ka paper sirf English mein hi hoga, koi doosri language option nahi hai.
Prelims Syllabus: Numerical Ability Mein Kya Aata Hai
Ye section aapki numbers ke saath fast aur accurate kaam karne ki ability check karta hai. Topics kuch aise ho sakte hain:
- Numerical calculation
- Quantitative reasoning
- Arithmetic reasoning
- Multiples aur divisibility
- Profit aur cost price se related calculation
- Percentage based questions
- Table based questions
- Graph based questions
- Data interpretation
- Numerical comparison
Yahan sirf question solve karna kaafi nahi hai. 20 minute mein 35 questions hai, isliye speed aur accuracy dono important hain.
Prelims Syllabus: Reasoning Ability Mein Kya Aata Hai
Ye section aapki thinking ability, facts ke beech connection samajhne ki power, aur sahi conclusion nikalne ki ability check karta hai. Topics kuch aise ho sakte hain:
- Classification aur odd word out
- Letter group classification
- Word classification
- Analogy aur relationship
- Words aur letters arrange karna
- Statement se conclusion nikalna
- Coded mathematical operations
- Missing information identify karna
- Statement aur conclusion
- Logical conclusion
- Syllogism type questions
Mains Exam Pattern: Full Breakdown
Mains mein total 190 questions honge, jinke liye 200 marks hain, aur poora exam 2 ghante 40 minute ka hoga.
| Subject | Questions | Max Marks | Time |
|---|---|---|---|
| General and Financial Awareness | 50 | 50 | 35 minute |
| General English | 40 | 40 | 35 minute |
| Quantitative Aptitude | 50 | 50 | 45 minute |
| Reasoning Ability and Computer Aptitude | 50 | 60 | 45 minute |
| Total | 190 | 200 | 2 ghante 40 minute |
Mains Ke Ye Important Rules Zaroor Jaan Lein
- Har subject ke liye alag time fix hai
- Galat answer par 0.25 marks katega, jaisa Prelims mein tha
- Mains mein bank ke tay kiye hue minimum overall percentage marks laane zaroori hain
- SC, ST, OBC, divyang, ex-servicemen aur reserved category candidates ko minimum marks mein 5% ki relaxation milegi
- Kisi individual subject ke liye alag minimum marks nahi hain
- Final merit sirf Mains ke total marks se banegi
Mains Syllabus: General Aur Financial Awareness
Ye section aapki current aur past ki important events aur logon ke baare mein awareness check karta hai. Topics kuch aise ho sakte hain:
- Banking aur financial awareness
- RBI aur financial institutions
- KYC se related general jaankari
- Indian economy
- Economy ke major sectors
- Current aur past ki important events
- Important personalities
- Awards aur honors
- State aur country se related economic-social jaankari
Mains Syllabus: General English, Quantitative Aptitude, Aur Reasoning
Mains ki General English Prelims se thodi zyada depth maangti hai, aur usme grammar, vocabulary, sentence completion, fill in the blanks, synonyms, antonyms, error spotting, passage based aur reading comprehension type questions aate hain.
Quantitative Aptitude mein numerical calculation, arithmetic reasoning, percentage, profit-cost, multiples aur divisibility, table aur graph interpretation jaise topics honge.
Reasoning aur Computer Aptitude mein classification, analogy, word aur letter arrangement, statement based conclusion, coding, syllogism jaise reasoning topics ke saath computer knowledge se related basic questions bhi honge. Notification mein computer wale chapters ki separate list nahi di gayi, isliye internet, MS Office, hardware ya networking jaise common topics ko abhi official syllabus mat maaniye, jab tak SBI ki actual exam booklet nahi aati.
Local Language Test Kaise Kaam Karta Hai
Mains ke baad zaroorat pade to Local Language Proficiency Test hoga. Ye un candidates ke liye hai jinhone 10th ya 12th mein apply kiye gaye state ki local language padhi nahi hai.
| Test | Type | Passage | Questions | Max Marks |
|---|---|---|---|---|
| Non-Verbal | Objective | 3 | 15 | 15 |
| Non-Verbal | Descriptive | 3 | 15 | 15 |
| Verbal | Notification mein detail nahi hai | – | – | 20 |
Ye test sirf qualifying nature ka hai, aur bank mein appointment se pehle Mains ke baad hoga. Agar aapki 10th ya 12th ki marksheet mein woh local language subject ke roop mein certified hai, to ye test dena zaroori nahi hoga. Agar aap ye test pass nahi karte, to appointment nahi milega.
Rajasthan Ke Candidates Ke Liye Exam Language
Rajasthan ki SBI Clerk vacancies ke liye local language Hindi hai. Rajasthan ke candidates ke liye English Language ya General English ka paper sirf English mein hi hoga, baaki subjects English aur Hindi dono mein available honge.
Agar aapki 10th ya 12th ki marksheet mein Hindi subject dikh raha hai, to aamtaur par aapko Local Language Test nahi dena padega.
| SBI Clerk Syllabus 2026 | Click Here |
| Official Website | Click Here |
