India Post GDS Recruitment 2026: 23759 Posts Ke Liye Notification Aa Gaya, 10th Pass Kar Sakte Hain Apply

India Post GDS Recruitment 2026 un candidates ke liye badi khabar hai jo sirf 10th pass hain aur government job dhund rahe hain. Postal Department ne Gramin Dak Sevak ke posts ke liye naya notification nikala hai, jisme Branch Postmaster, Assistant Branch Postmaster aur Dak Sevak posts fill kiye jayenge.

India Post GDS Recruitment 2026 Ki Puri Jankari Ek Table Mein

Total Posts Ke Baare Mein Ek Zaroori Baat

Official notification PDF mein total vacancies ka koi ek consolidated number nahi diya gaya hai. Ye 23,759 ka number GDS portal par available sabhi 23 circles aur 506 divisions ki unique Post ID count karke nikala gaya hai, jisme koi duplicate ya withheld Post ID shamil nahi hai. Postal Department zaroorat ke hisaab se posts ki sankhya mein badlaav kar sakta hai.

Circle-Wise Kitni Vacancies Hain

Kaunse Posts Hain Aur Inka Kya Kaam Hai

Candidate sirf ek hi division ke posts ke liye apply kar sakta hai. Us division mein available multiple posts ki preference bhar sakte hain. Agar candidate ek se zyada posts ki merit mein aata hai, to usko preference order ke hisaab se sirf ek hi post diya jaayega.

Kya Aap In Simple Conditions Ko Pura Karte Hain

• Recognized school education board se 10th class pass hona chahiye
• 10th mein Maths aur English subjects mein pass hona zaroori hai
• Concerned post ke liye jo local language decide ki gayi hai, wo kam se kam 10th tak padhi hui honi chahiye
• Basic computer knowledge honi chahiye
• Cycle chalana aana chahiye (ya scooter/bike chalane ki declaration de sakte hain)
• Government TRCA aur allowances ke alawa income ka doosra sufficient source hona chahiye

Ek zaroori baat, qualification notification release hone ki date tak achieve ki hui honi chahiye, aur sirf recognized board ki 10th marksheet hi valid mani jaayegi.

Age Limit Kya Hai

Age 21 September 2026 (last date) ke hisaab se calculate hogi:

EWS candidates ko normal 10% reservation milega, lekin age limit mein alag se koi chhoot nahi hai.

Rajasthan Ke Liye Local Language Kya Hai

Rajasthan circle ke 1,009 posts ke liye local language Hindi hai. Rajasthan mein apply karne wale candidates ko recognized board se kam se kam 10th tak Hindi padhi hui honi chahiye.

Kitna TRCA Milega

GDS ko regular salary ki jagah Time Related Continuity Allowance, matlab TRCA milta hai:

Conditions pura karne par TRCA mein har saal 3% increment ka provision hai. Isके alawa dearness allowance aur doosre social security benefits bhi milte hain, jisme GDS Gratuity aur Service Discharge Benefit Scheme shamil hain.

Ye Baat Zaroor Samjhein: GDS Regular Employee Nahi Hote

• GDS Postal Department ya Central Government ke regular employees nahi hote
• Wo Civil Post hold karte hain, lekin regular civil services se bahar hote hain
• Roz minimum 4 aur maximum 5 ghante kaam karna hota hai
• 65 saal ke baad GDS ko service mein nahi rakha ja sakta
• Zyadatar posts rural areas mein hote hain
• BPM ko usi gaon mein rehna hota hai jahan branch post office hai, aur apne kharche par office ke liye building/space arrange karni hoti hai
• ABPM aur Dak Sevak ko related post office ke delivery area ke andar hi rehna hota hai

Selection Kaise Hoga

Candidates ki shortlisting system-generated merit list se hogi, jo 10th class ke marks par based hoti hai. Percentage calculation 4 decimal places tak ki jaati hai.

Agar marksheet mein subject-wise marks diye hain, to wahi marks bharni hongi. Agar marks aur grade/point dono diye hain, to jo marks mile hain wahi bharni hain. Agar sirf grade ya grade point diya hai, to system usko 9.5 se multiply karke calculate karega. Agar subject-wise grade aur CGPA dono diye hain, to jo zyada marks banate hain wo merit ke liye liye jayenge.

Notification mein koi separate written exam ya interview nahi bataya gaya hai. Shortlisting sirf 10th ki merit se hoti hai, uske baad document verification hota hai.

Same Marks Hone Par Kaunsa Priority Order Follow Hoga

Same marks hone par pehle zyada age wale candidate ko priority milegi. Uske baad ye order follow hoga: ST Trans-woman, ST Female, SC Trans-woman, SC Female, OBC Trans-woman, OBC Female, EWS Trans-woman, EWS Female, UR Trans-woman, UR Female, ST Trans-male, ST Male, SC Trans-male, SC Male, OBC Trans-male, OBC Male, EWS Trans-male, EWS Male, UR Trans-male, aur UR Male.

Application Fee Kitni Hai

₹100 fee poore selected division mein notified sabhi posts ke liye ek hi baar deni hai, har post ke liye alag se nahi.

Important Dates Ek Nazar Mein

Registration ki last date application ki last date se pehle hai, isliye naye candidates ko 19 September 2026 tak apna registration zaroor complete kar lena chahiye.

Apply Karne Ka Poora Process, Step By Step

Part 1: One Time Registration

1. GDS Online Engagement Portal kholein
2. Candidate Login/Register option par jaayein
3. New Candidate Registration par click karein
4. Apna active mobile number aur email ID daalein
5. Mobile number aur email OTP se verify karein
6. Personal jankari, 10th board aur passing year ki details bharein
7. Registration complete hone par mile hue Registration Number ko safe rakhein

Ek mobile number aur email sirf ek hi registration ke liye use ho sakta hai, aur ye baad mein change nahi ho sakte.

Part 2: Online Application

1. Registration Number aur Password se portal mein login karein
2. Active Notification mein related GDS recruitment ke Apply Online link par jaayein
3. Personal aur educational jankari bharein
4. 10th ke subject-wise marks, grade ya point marksheet ke hisaab se daalein
5. Available divisions mein se sirf ek division choose karein
6. Us division mein available posts ki preference bharein
7. Fixed size mein photo aur signature upload karein
8. Preview mein saari jankari check karein
9. Applicable hone par ₹100 fee jama karein
10. Application final submit karein aur uski copy safe rakhein

Online application ke time koi certificate ya marksheet upload karne ki zaroorat nahi hai, sirf latest photo aur signature hi chahiye.

Photo Aur Signature Ka Size Kya Hona Chahiye

Photo ka background white ya halka color hona chahiye, aur chehra photo ke 70-80% hisse mein clearly dikhna chahiye. Scanned photo ya selfie upload na karein. Signature white paper par kaale ya neele pen se hona chahiye, typed ya digital text signature ke roop mein accept nahi hoga.

Document Verification Ke Waqt Ye Documents Chahiye Honge

• 10th ki marksheet
• Identity proof
• Caste certificate, agar applicable ho
• PwBD certificate, agar applicable ho
• EWS certificate, agar applicable ho
• Transgender certificate, agar applicable ho
• Date of birth proof
• Government hospital ya dispensary se medical certificate
• Local language ya tribal dialect proof (Arunachal Pradesh, Goa, Sikkim, Nagaland ke liye)

Shortlist hone ke 15 din ke andar document verification ke liye jaana hoga, warna candidature cancel ho jaayegi. Documents ke sath do sets self-attested photocopies bhi le kar jaayein.

Ye Baatein Zaroor Yaad Rakhein

• Ek candidate sirf ek hi registration kar sakta hai, duplicate registration milne par sabhi applications cancel ho sakti hain
• Naam, parents ka naam aur date of birth 10th ki marksheet ke hisaab se hi bharein
• Jis post ki preference nahi bharenge, uske liye consider nahi kiya jaayega
• Selection hone par sirf ek hi post offer hoga
• Fee jama hone ke baad refund nahi hoga
• Correction window sirf 23-24 September 2026 ko available hoga, us waqt mobile number aur email change nahi ho sakte
• Purana experience selection mein koi extra benefit nahi deta